၁။ ပြုလုပ်နည်း
သီးနှံဘေးထွက်ပစ္စည်းများဖြစ်သော နှမ်းရိုးနှင့် နွားစာအပြင် ပိုလျှံသော ပဲရိုး၊ ကောက်ရိုး၊ နေကြာရိူး စသည်များကို နွားစာစဉ်းစက်ဖြင့် ၂-၃ လက်မ အရွယ်များ ပိုင်းဖြတ်ပါ။ ကျိုးကြေစေရန် အခြားသော နည်းလမ်း (ဥပမာ - နွား၊ ကျွဲတို့ဖြင့် နင်းချေပေးခြင်း၊ လမ်းများတွင် ခင်းပေးခြင်း) များဖြင့် ပြုလုပ်နိုင်ပါသည်။ မြေပြင်ချိန်တွင် ထယ်ထိုးထွန်မွှေပြီးမြေထဲ တိုက်ရိုက်ထည့်ပေး၍ဆွေးမြည့်ကြေပျက်စေရပါမည်။
၂။ သုံးစွဲမှု
သီးထပ် မစိုက်ပါက ပဲ၊ နွေစပါး၊ နှမ်းရိုးပြတ်များကိုမြေတွင်းသို့ ထယ်ထိုးထွန်မွှေ၍ ထည့်ပေးပါ၊ နွေစပါး သီးထပ်စိုက်ပါက စပါးတန်းကြား၌ နှမ်းရိုးများ ထည့်သွင်းပေးနိုင်ပါသည်။ နှမ်းရိုးများသည်ခြောက်သွေ့ ကြွပ်ဆတ်နေသဖြင့် ထည့်သွင်းရ လွယ်ကူပါသည်။ ကောက်ရိုးနှင့် ရိုးပြတ်များကို စပါးရိတ်သိမ်းပြီးအောက်တိုဘာ၊ နိုဝင်ဘာလတွင်မြေတွင်း ၄-၅ လက်မ အနက်တွင်းသို့ ထယ်ထိုးမြေမြုပ်ပေးရပါမည်။
၃။ ရရှိမည့် အကျိုးကျေးဇူး
နှမ်းရိုးကိုမြေတွင်းသို့ ထည့်သွင်းပေးခြင်းအားဖြင့် ပိုတက်စီယမ်များ ရရှိစေနိုင်မည်။ ကောက်ရိုးများကို လယ်မြေတွင်းသို့ ထယ်ထိုးထွန်မွှေ၍ ပြန်လည်ထည့်ပေးခြင်းအားဖြင့် ယင်းမြေသည် ကောက်ရိုးရှိ ကာဗွန် ၃၅.၅၅% အထိကြေပျက်စေပြီး အပင်မှ စားသုံးနိုင်စေခြင်း။ ကောက်ရိုးတွင် ပါဝင်သော ပိုတက်စီယမ်နှင့် ဖော့စ်ဖရပ်စ်ဓာတ်များကို အပင်မှပြန်လည် အသုံးပြုနိုင်ခြင်း။ မြေတွင်း သစ်ဆွေးဓာတ်ပါဝင်မှု တိုးတက်လာခြင်း စသည့် အကျိုးကျေးဇူးများ ရရှိစေပါသည်။
ကိုးကား- မြေဆီလွှာအကျိုးပြု သဘာဝမြေသြဇာ၊ ဇီဝမြေသြဇာအမျိုးမျိုး ပြုလုပ်သုံးစွဲနည်း
No comments:
Post a Comment