သဘာဝမြေသြဇာ ဆိုသည်မှာ

credit #တောင်သူကြီးလက်စွဲ #နွား၏ စားမြုံ့ပြန်သည့် အစာချက်လုပ်မှုစနစ်မှာ အနည်းငယ် ရှုပ်ထွေးပါသည်။ မြက်များကို မျိုချစားသောက်လိုက်ပြီးနောက် ပထမအစာအိမ်တွင် ထားရှိသည်။ အဆိုပါအစာကို စားမြုံ့ပြန်၍ အစာပြန်လည်ချက်လုပ်ခြင်းဖြစ်သည်။ #နို့စားနွားတစ်ကောင်၏ တစ်ရက်စားမြုံ့ပြန်သည့်အချိန်မှာ ( ၈ )နာရီ ဖြစ်သည်။ စားသောက်လိုက်သော အစာများမှာ ပထမအစာအိမ်သို့ ၀င်သွားကြသည်။ ၄င်းစားမြုံ့ပြန်အစာအိမ်တွင် အစာပြည့်သွားသည့်အချိန်တွင် တတိယအစာအိမ်သို့ ရောက်ရှိသွားသည်။ #အဆိုပါအစာအိမ်တွင် အမှုန်အမွှားများကို သန့်စင်ပေးပြီး အရည်အချို့ကို စုပ်ယူလိုက်သည်။ ၄င်းနောက် ဒုတိယအစာအိမ်သို့ရောက်ရှိသွားသည်။ ၄င်းဒုတိယအစာအိမ်မှာ အမှန်တစ်ကယ် အစာချက်လုပ်သော အစာအိမ်ဖြစ်သည်။ အဆိုပါ အစာအိမ်တွင် အစာများကြေညက်စေရန် အစာချေအရည်များထုတ်ပေးသည်။ #အခြားသော နို့တိုက်သတ္တ၀ါများနှင့်မတူညီသည်မှာ သစ်ရွက်များမှ အဟာရဓာတ်များကို ပိုမိုစုပ်ယူစားသုံးနိုင်သော်လည်း စားမြုံ့ပြန်ခြင်းကြောင့် အာဟာရဓာတ်များ၏( ၇၅%) မှ ( ၉၀%)ကို စုပ်ယူနိုင်ခြင်းမရှိဘဲ အပြင်သို့ ပြန်လည်စွန့်ထုတ်ခြင်း ဖြစ်သည်။ သို့ဖြစ်ပါ၍ အစာအိမ်သံသာရာလည်ပတ်မှုအဆုံးတွင် အာဟာရဓာတ် အားလုံးနီးပါးမှာ စွန့်ပစ်ပစ္စည်းများအဖြစ် ပြန်လည်ထွက်ရှိလာခြင်းဖြစ်သည်။ #၄င်းကို နွားချေး ( နောက်ချေး) ဟုခေါ်ဆိုကြသည်။ နွားချေးသည် စွန့်ပစ်အရည်နှင့် အစိုင်အခဲများ ပေါင်းစည်းထားခြင်းဖြစ်သည်။ မွေးမြူရေး တရိစ္ဆာန်အားလုံး၏ စွန့်ပစ်ပစ္စည်းများသည် မြေဆီလွှာအား အထူးပင်အကျိုးဖြစ်ထွန်းစေနိုင်သော အာဟာရဓာတ်များပါရှိသည့် သဘာဝမြေသြဇာများဖြစ်နေကြသည်။ #နွား၊ ဆိတ်၊ ယုန်၊ ကြက်၊ ငါး စသည်တို့တစ်မျိုးစီ၏ စွန့်ပစ်ပစ္စည်းများတွင် သီးခြားစီကောင်းမွန်သော ဂုဏ်သတ္တိရှိကြသည်။ နို့စားနွားများ၏ စွန့်ပစ်ပစ္စည်းများတွင် သီးနှံများအတွက် အာဟာရဓာတ်များစွာ ဖြစ်စေနိုင်ပြီး မြေဆီလွှာအား ပိုမို၍ မြေသြဇာကြွယ်ဝစေနိုင်ပြီး မြေဆီလွှာအား ပိုမို၍ မြေသြဇာကြွယ်ဝစေနိုင်ကြောင်း တွေ့ရှိရသည်။ #သို့သော်လည်း နွားချေးကို အခြားနေရာအများအပြားတွင်လည်း အကျိုးရှိရှိအသုံးပြုနိုင်ကြောင်း တွေ့ရှိရသည်။ #နွားချေးစနစ်တကျ သိုလှောင်နည်း အကျယ် ( ၁၁ ) ပေ ပတ်လည်ရှိသည့် ရေမ၀ပ်သည့် မြေနေရာတစ်ခုရွေးပါ။ ယင်းပတ်လည်တွင် ရေမ၀ပ်စေရန် ( ၆ ) လက်မအကျယ် မြောင်းပတ်ပတ်လည်တူးပါ။ အပူပိုင်းဒေသတွင် ၂ပေ ×၁၀ပေ× ၁၀ပေ ကျင်းတိမ်တူး၍ သုံးနိုင်ပါသည်။ ယင်းနေရာအား နေဒဏ်မိုးဒဏ်မှ ကာကွယ်ရန်အတွက် ယာယီအမိုးငယ်တစ်ခုပြုလုပ်ပေးပါ။ မိုးမများလွန်းပါက အရိပ်ကောင်းသောသစ်ပင်ရိပ်အောက်တွင် ပြုလုပ်နိုင်ပါသည်။ နွားများသိပ်သည့် တင်းကုပ်မြေပေါ်တွင် သစ်ရွက်ခြောက် အမှိုက်၊ ကောက်ရိုး၊ ရိုးပြတ်၊ မြက်ခြောက်၊ ကောက်မှော် ရရာတို့ကို အခင်းအဖြစ် ခင်းထား၍ ညဖက်တွင်နွားများကို သိပ်ပေးပါ။ တင်းကုပ်ရှင်းလင်းစဉ် နွားများမှ စွန့်ပစ်သော မစင်၊ ကျင်ငယ်ရည်နှင့် ရောနှောနေသော အမှိုက်များနှင့် မြေသားအနည်းငယ်ကို စုဆောင်းရောနှောပါ။ ယင်းအမှိုက်များကို သိုလှောင်သည့် မြေနေရာပေါ်တွင် ( ၆ ) လက်မထုခန့်ရှိ အလွှာအဖြစ်ဖြန့်ပေးပါ။ ယင်းအပေါ်မှ ထုံးမှုန့်၊ စဖိုပြာ စပါးခွံပြာများကို ပါးပါးဖြူးပေးပါ။ တီးစူပါ၊ ကျောက်မှုန့်၊ လချေးမှုန့်ရရာကို နို့ဆီဗူးတစ်ဖူးခန့် ပါးပါးဖြူးထည့်နိုင်ပါက ပိုကောင်းမွန်ပါသည်။ ယင်းနည်းဖြင့် နွားချေးများကို နှစ်ပတ်လည် စုဆောင်းသွားနိုင်ပါသည်။ #အကယ်၍ နွားချေးပုံထုထည်ကြီးမားလာပါက ဘေးပတ်ပတ်လည်မှ ယာယီအကာအရံများ ပြုလုပ်ပေးရန် လိုအပ်ပါသည်။ အစိုဓာတ်နှင့် အာဟာရများ အငွေပျံပျောက်ဆုံးမှုလျော့နည်းစေရန်၊ အပေါ်ဆုံးအလွှာပေါ်တွင် အမှိုက်သစ်၇ွက်ခြောက်၊ ထန်းရွက်ခြောက်၊ ကျူဖျာ၊ ၀ါးထရံစသည်တို့ဖြင့် အုပ်ထားပေးပါ။ #နွားချေး၏ အသုံးဝင်မှုများ နွားတစ်ကောင်သည် တစ်ရက်လျှင် နွားချေး ပျမ်းမျှ ပေါင် ( ၅၀ ) ခန့် ထုတ်လုပ်ပေးနိုင်ပြီး ဆိတ်တစ်ကောင်မှ တစ်ရက်လျှင် ဆိတ်ချေး ပျမ်းမျှ ( ၁၀ ) ပေါင်ခန့် ထွက်ရှိပါသည်။ #နွားချေးကို သဘာဝမြေသြဇာအဖြစ် သာမက အောက်ဖော်ပြပါ ကိစ္စရပ်များတွင်လည်း အသုံးပြုနိုင်ကြောင်း သိရှိရသည်။ ( က ) ချက်ပြုတ်ရေးအတွက်လောင်စာအဖြစ် အသုံးပြုခြင်း။ ကမ္ဘာပေါ်ရှိ လူအများအပြားသည် နွားချေးခြောက်ကို မီးရှို့၍ လောင်စာအဖြစ် အသုံးပြုချက်ပြုတ်ခဲ့ကြသည်။ ( ခ ) Greenhouse များအား အပူပေးခြင်း။ ထွက်ရှိသောနွားချေးများစုစည်းပြီး မြေးဆွေးအမြစ်ပြုလုပ်ကာ Greenhouse များအား အနွေးဓာတ်ရရှိစေရန် ဆောင်ရွက်ကြသည်။ ( ဂ ) မှိုစိုက်ပျိုးထုတ်လုပ်ခြင်း။ နွားချေးခြောက်များသည် မှိုစိုက်ပျိုးထုတ်လုပ်ရေးအတွက် အကောင်းမွန်ဆုံးသော မြေအမျိုးအစားဖြစ်သည်။ ( ဃ ) ဘိုင်အိုဂတ်စ်အဖြစ် အသုံးပြုခြင်း။ နွားချေးမှ မီသိန်းဓာတ်ငွေ့ ထုတ်လုပ်ပေးသဖြင့် ၄င်းမီသိန်းဓာတ်ငွေ့ကို စုစည်းကာ အပူပေးခြင်းနှင့် ချက်ပြုတ်ခြင်းတို့တွင် အသုံးပြုနိုင်သည်။ ( င ) မြေငွေ့ထိန်းအဖြစ် အသုံးပြုခြင်း။ နွားချေးများ လတ်လတ်ဆတ်ဆတ်ရှိစဉ် အပူဓာတ် ရှိနေသဖြင့် သစ်ပင်များ၏ခြေရင်းတွင် မြေဆွေးများမခြောက်သွေ့စေရန်အပေါ်မှ နွားချေးအစိုဖြင့် အုပ်မံကာ မြေဆီဓာတ်မပြယ်စေရန် အသုံးပြုနိုင်သည်။ #သုံးစွဲနည်း စနစ်တကျ သိုလှောင်ထားသော နွားချေးများကို အသုံးမပြုမီ အထက်အောက်သမအောင် ရောမွှေပါ။ တစ်ဧကလျှင် နွားလှည်း ( ၅ - ၁၀ ) စီးခန့်မြေပြုပြင်ချိန်တွင် ထည့်သွင်း၍ မည်သည့်သီးနှံမဆို စိုက်ပျိုးနိုင်ပါသည်။ နွားချေးများထည့်ပြီးပါက ချက်ချင်းမြေဖြင့် ဖုံးအုပ်ထားရန် လိုအပ်ပါသည်။ #တခြားသော ဓာတ်မြေသြဇာများနှင့်အတူ ရောနှော၍လည်း ထည့်သွင်းနိုင်ပါသည်။ ကောင်းစွာဆွေးမြေ့ ကြေပျက်သော နွားချေးများကိုသာ ထည့်သွင်းသုံးစွဲပါ။ အာနိသင်နှင့် အကျိုးသက်ရောက်မှု စနစ်တကျသိုလှောင်ထားသော နွားချေးဆွေးမြေသြဇာတွင် အောက်ပါဓာတ်ပစ္စည်းများ ပါဝင်ပါသည်။ #အပင်အာဟာရ ပါဝင်မှုရာခိုင်နှုန်း နိုက်ထရိုဂျင် ၁.၄ % ဖော့စပရပ် ၂.၁% ပိုတက်စီယမ် ၁.၃% ကယ်စီယမ် ၂.၆% မဂ္ဂနီစီယမ် ၀.၂% ဆာလဖာ ၁.၆% အော်ဂဲနစ်ကာဘွန် ၁၉.၇% #အကျိုးကျေးဇူး အပင်အဓိက အာဟာရဓာတ်များအပြင် အော်ဂဲနစ် ကာဘွန်ပါဝင် မှုကြောင့် မြေဆီလွှာ၏ ရုပ်ဂုဏ်သတ္တိကို ပိုမိုတိုးတက်ကောင်း မွန်စေ၍ အောက်ပါအကျိုးကျေးဇူးများကို ရရှိနိုင်မည် ဖြစ်ပါသည်။ စေးသောမြေကို ပွလာစေခြင်း သဲဆန်သောမြေကို စေးထန်လာစေခြင်း အစိုဓာတ်ထိန်းသိမ်းမှုကောင်းခြင်း လေ၀င်လေထွက် ကောင်းခြင်း အပူအအေးမျှတစေခြင်း အာဟာရဓာတ်များကို ကာလရှည်ကြာစွာ တစိမ့်စိမ့်ထုတ်ပေးခြင်းတို့ဖြစ်သည်​။ Credit _Pissaya ထာဝရလက်တွဲဖော် နွားချေးသိုလှောင်ခြင်းစနစ်(1) " သဘာဝမြေသြဇာ (တိရစ္ဆာန် ချေး နှင့် ကျင်ငယ်ရေ သိုလှောင်ခြင်း စနစ်) " #သဘာဝမြေသြဇာ ဆိုသည်မှာ လူက အထူးမပြုလုပ် မပြုပြင်ရပဲ သဘာဝအလျောက် အလိုလိုဖြစ်ပေါ်လာသော မြေသြဇာကို ခေါ်ပါသည်။ #၄င်းတို့အနက် နွားချေးသည် အရေးကြီးဆုံးဖြစ်ပါသည်။ နွားချေးဟု ပြောသော်လည်း အခြားတိရစ္ဆာန်များ၏ ချေးများလည်း ပါဝင်ပါမည်။ #နွားချေး၌ သစ်ပင်များနှင့်တကွ ဘက်တီးရီးယားမှို စသော ပိုးမွှားများ စားသုံးရန် အစာအဟာရများ ပါဝင်သည်က တကြောင်း မြေ၏အနေအထားကို ကောင်းသည်ထက်ကောင်းအောင် ပြုပြင်ပေးနိုင်သည်က တကြောင်း ထိုအချက်များကြောင့် ကောင်းမွန်သော သဘာဝ မြေသြဇာဖြစ်ပေသည်။ #သို့ပါသော်လည်း နွားချေးအတွင်း ပါဝင်သော အဟာရဓာတ်များ ဆုံးရှုံးမသွားအောင် စနစ်တကျ သိုလှောင်ထားမှသာ အဖိုးတန်သော မြေသြဇာ ဖြစ်မည်ကို ဂရုပြုသင့်ပေသည်။ #နွားချေးဟုဆိုတိုင်း တန်ဖိုးရှိသော မြေသြဇာ မဖြစ်နိုင်ပါ။ နေပူ မိုးရွာတွင် သင့်လျော်စွာ စုပုံထားသော နွားချေးသည် အဆီသြဇာများ ခန်းခြောက်ဆုံးရှုံးပြီး သစ်ရွက် ကောက်ရိုးခြောက်လောက်သာ အစွမ်းရှိပေမည်။ #နွားချေးသည် သိုလှောင်မှုခြင်း တူစေကာမှု လူတို့ပြုလုပ်သော ဓာတ်မြေသြဇာများကဲ့သို့ တစ်ခုနှင့်တစ်ခု အမြဲတန်း တစ်သမတ်တည်း မတူနိုင်ပဲ အစဉ်သဖြင့် ကွဲပြားခြားနား၏။ အချို့တွင် အာဟာရဓာတ် အဆီသြဇာများ၍ အချို့မှာ နည်းနေပေမည်။ မတူညီရသော အကြောင်းရင်းများမှာ - (1) ချေးတို့၏စွမ်းအားသည် တိရစ္ဆာန် အမျိုးအစားပေါ် မူတည်၏။ တစ်နည်းအားဖြင့်ဆိုသော် တိရစ္ဆာန်တို့၏ ချေးများသည် တစ်မျိုးနှင့် တစ်မျိုးမတူ နိုင်ပါ။ စွမ်းအားတန်ဖိုးကို ၄င်း၌ပါဝင်သော သစ်ပင်၏ အစာအဟာရ အနည်းအများနှင့် အစာအဟာရတို့ကို သစ်ပင်မှ စုပ်ယူစားသုံး နိုင်ခြင်း ရှိ / မရှိ စသောအချက်များပေါ်တွင် မူတည်ပါမည်။ (အောက်ပါဇယားကိုကြည့်) #ဇယားတွင် ဖော်ပြထားသော တန်ဖိုးအရ မြင်းချေးသည် နွားချေးထက် ပိုကောင်းနေသည်ကို တွေ့ရှိရမည်ဖြစ်ပါသည်။ လူအများသည် နွားချေးကို မြင်းချေးထက် ပိုကြိုက်နှစ်သက် သည်မှာ မြင်းချေးသည် အကြေအညက်နည်း၍ မြက်ဖတ်များ ပါဝင်သောကြောင့် ရုတ်တရက်ကြည့်လျှင် အဆီသြဇာမရှိဟု ထင်ရသည် မြင်းချေးကို ကျနစွာ သိုလှောင်သုံးစွဲလျှင် နွာချေးထက် စွမ်းအားပိုမိုရရှိပါမည်။ #ထို့အပြင် ကျင်ငယ်ရေတို့သည် ချေးများထက် နိုက်ထရိုဂျင် နှင့် ပိုတက် ဓာတ်များ ပိုမိုပါဝင်ပါသည်။ ထို့ကြောင့် အဖိုးတန်သော ကျင်ငယ်ရေ မဆုံးပါး ပျောက်ပျက်မှုမရှိအောင် သိုလှောင်ထားရန်လည်း အရေးကြီးပါမည်။ ကျင်ငယ်ရေတွင် ပါဝင်သော ဓာတ်များသည် ရေတွင် အလွယ်တကူ ပျော်ဝင်ပြီးဖြစ်သဖြင့် သစ်ပင်များမှ အလွယ်တကူ စုပ်ယူနိုင်ကြပါသည်။ ကျင်ငယ်ရေ အလွယ်တကူ ခံယူနည်းမှာ တိရစ္ဆာန်များအောက်ခင်းတွင် ကောက်ရိုး / မြက်ခြောက်များ ခင်းပေးလျှက် ကျင်ငယ်ရေများကို စုပ်ယူနိုင်စေပါမည်။ (2) တိရစ္ဆာန်တို့တွင် အသက်ကြီးသော အကောင်များ၏ ချေး ကျင်ငယ်ရေသည် အသက်ငယ်သော အကောင်များ၏ ချေး ကျင်ငယ်ရေထက် ပိုမိုစွမ်းအားရှိကြပါသည်။ အဘယ်ကြောင့် ဆိုသော် အကောင်ငယ်များသည် စားသောအစားအစာများမှ ကြီးထွားဖို့အတွက် အရှိန်ယူနေရသည့် အချိန်ဖြစ်သဖြင့် ချေး နှင့် သေးတို့တွင် အာဟာရဓာတ် ပါဝင်မှုနည်းပေမည်။ အကောင်ကြီးများသည် ကြီးထွားနှုန်းအတွက် အားပေးရန် မလိုသည့်အတွက် ချေး သေး များမှာ ကဆီဓာတ် ပါဝင်မှုနှုန်း ပိုမိုများပါမည်။ ထို့နည်းတူစွာ ကိုယ်ဝန်ဆောင် အမ နှင့် နို့တိုက်နေရသော အမ ၏ ချေး သေး နှင့် အခြား အမများ၏ ချေး သေးက ပိုမိုကောင်းမွန်ပါသည်။ (3) အစားအစာသည်လည်း ချေး သေး ၏ တန်ဖိုးကို အထောက်အကူပြုပါသည်။ အဆီသြဇာကိုစားရသော တိရစ္ဆာန်နှင့် မစားရသော တိရစ္ဆာန်တို့၏ ချေး သေး များမှာလည်း တန်ဖိုးခြင်း ကွာပါမည်။ (4) သိုမှီးသိမ်းဆည်းရာမှာလည်း တန်ဖိုးခြင်း ကွာသွားနိုင်ပါမည်။ ရာနှုန်းပြည့် စွမ်းအားရှိသော မြေသြဇာက်ို လိုပါက စနစ်တကျ သိုလှောင်ရန် အရေးကြီးပါသည်။ စနစ်တကျသိုလှောင် မထားသော ချေးကို ဝယ်မိပါက ကုန်ကျစရိတ်များပြီး အကျိုးဖြစ်ထွန်းမှု နည်းပါမည်။ ကျွဲ နွားတစ်ကောင်မှ တစ်နှစ်လျှင် ချေးတန်ချိန် (10)တန် နှုန်းထွက်ရှိသည် ဆိုကြပါစို့ သေချာစွာ သိမ်းဆည်းခြင်း မရှိပဲ နေပူ မိုးရွာထဲ ပြစ်ထားလျှင် တန်ဖိုး တစ်ဝက်ခန့် ဆုံးရှုံးနိုင်သဖြင့် ဝယ်ယူစရိတ်သည် (10)တန်ဈေးပေးရပြီး ရရှိသော အကျိုးတရားမှာ (5)တန်သာ ရရှိပါမည်။ (5) သိုလှောင်မှုစနစ်သည် ချေးများအား အမိုးအကာ အောက်တွင်ထားရှိရမည် ဖြစ်ပြီး သေးများ စုပ်ယူရန်အတွက် အောက်ခြေ အခင်းတွင် ကောက်ရိုး မြက်ခြောက်များ ခင်းပေးရမည်။ ၄င်းအခင်းများကို တစ်ပါတ်လျှင် တစ်ကြိမ် လဲပေးပြီး ရရှိလာသော ကောက်ရိုး မြက်ခြောက်များကို အမိုးအောက်ရှိ ချေးများနှင့် ရောနှောထားပါ။ ထိုသို့ သိုလှောင်ထားခြင်းတွင် ဘက်တီးရီးယား ပိုးများသည် ချေးထဲ၌ ကျွင်းကျန်သော အာဟာရများနှင့် သြဂဲနစ်ဒြပ်များကို မှီဝဲ စားသောက်ခြင်းဖြင့် သြဂဲနစ်ဒြပ်များ လောင်ကျွမ်းကုန်ကြပေသည်။ အချိန်ကာလ အတန်အသင့် ကြာသော် ချေးပုံသည် ကျုံကျုံ လာပေမည်။ ပါဝင်သော နိုက်ထရိုဂျင်ဓာတ်သည်လည်း အာမိုးနီးယား ဓာတ်ငွေ့အဖြစ်သို့ ပြောင်းလဲကာ လေထဲသို့ လွှင့်ပါးပျောက်ဆုံးပေသည်။ ယင်းသို့ ဆုံးရှုံးရသည်မှာ ဘက်တီးရီးယားပိုးများ၏ ပယောဂကြောင့် ဖြစ်သည့်အတွက် ၄င်းတို့ မတိုးပွားနိုင်အောင် ချေးပုံကို ပွပွမထားပဲ အပြင်လေ မဝင်နိုင်အောင် ဖိသိပ်ပေးရပါမည်။ ထိုသို့ ဖိသိပ်ထားခြင်းဖြင့် လေရှိမှပေါက်ဖွား နိုင်သော ဘက်တီးရီးယားများ ရှင်သန်မှု မရှိနိုင်တော့ပေ၊ ယင်းကဲ့သို့ လုပ်ဆောင်သော်လည်း တစ်ခါတစ်ရံတွင် ချေးပုံမှ အငွေ့ထောင်းထောင်း ထနေခြင်းမှာ ချေးထဲရှိ သြဂဲနစ်ဓာတ်များနှင့် လေထုထဲရှိ အောက်ဆီဂျင်ဓာတ်တို့ ပေါင်းစပ်ခြင်းပင် ဖြစ်ပါသည်။ #ထိုကြောင့် တိရစ္ဆာန် ချေး နှင့် သေးများကို စနစ်တကျ သိုလှောင်မှုမရှိလျှင် ၄င်းတို့၏ တန်ဖိုးများ အကျိုးမဲ့ ဆုံးရှုံးနိုင်ပြီး ကုန်ကျစရိတ်သာများပြီး အကျိုးရရှိမှု နည်းပါးနိုင်ကြောင်း ရေးသား တင်ပြလိုက်ပါသည်။ #ဦးအောင်သိန်း (ဥယျာဉ်စိုက်ပျိုးခြင်းပညာ)