နိုင်ငံတော်သမ္မတရုံး၊ လုံခြုံရေးအရာရှိချုပ်ဌာနကြီး၊ ညွှန်ကြားရေးမှူးချုပ် ဦးဝင်းနိုင်ထွန်းကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေး ဦးစီးဌာန ညွှန်ကြားရေးမှူးချုပ်အဖြစ်ပြောင်းလဲ ခန့်အပ်လိုက်ကြောင်း ဇန်န၀ါရီလ (၃၀)ထုတ် မြန်မာ့အလင်းသတင်းစာမှာ ဖော်ပြထားပါတယ်။အရင်က လူကုန်ကူးမှု တားဆီး နှိမ်နှင်းရေး ရဲတပ်ဖွဲမှာ့ တပ်ဖွဲ့မှူး ရဲမှူးချုပ်ရာထူးကို တာဝန်ထမ်းဆောင်ခဲ့တဲ့ ဦးဝင်းနိုင်ထွန်းဟာ ၂၀၁၆၊ ဧပြီ မှာ သမ္မတရုံး လုံခြံရေးအရာရှိချုပ် ဗိုလ်မှူးချုပ် ၀င်းမြင့် ယာဉ်မတော်တဆမှုနဲ့ သေဆုံးခဲ့ပြီးနောက် သူ့နေရာမှာ အစားထိုး ၀င်ရောက် ခဲ့ပြီး နိုင်ငံတော်အတိုင်ပင်ခံပုဂ္ဂိုလ်ရဲ့ လုံခြုံရေးကို အဓိက ကြီးကြပ်တာဝန်ထမ်းဆောင်ခဲ့တာဖြစ်ပါတယ်။ဒါ့အပြင် ကျန်းမာရေးနှင့် အားကစားဝန်ကြီးဌာန တိုင်းဆေးပညာဦးစီးဌာန၊ ညွှန်ကြားရေးမှူးချုပ် ဒေါက်တာဒေါ်ရီရီမြင့်ကိုလည်း ရန်ကုန်ပြည်သူဆေးရုံကြီး ပါမောက္ခချုပ် (ဆေးရုံအုပ်ကြီး၊ကုသရေး) ရာထူးကို ပြောင်းလဲ ခန့်အပ်လိုက်တယ်လို့လည်း အဲဒီနေ့ထုတ်သတင်းစာထဲမှာ ဖော်ပြထားပါတယ်။
No comments:
Post a Comment